1 Agustus 2012 Ceu Mamah ngantunkeun

Ceu mamah ngantunkeun
Ahad tanggal 29 September 2012 kuring jeung pamajikan ngahaja ka Jagara nalongok Ceu Mamah.
Kabeneran Ka Ihsanna aya keur sare nungguan Ceu Mamah, Ceu Mamahna oge sare bari leungeunmah keur ngeupeul jeruk. hayang ngobrol oge kagok ku ka Ihsan. Teu sempet ngobrol, ngan pamajikanmah sempet nanya kumaha kaayaan Ceu mamah.
beuki lemah geuning kondisi awakna teh.
Senen Si Murni nga sms ngabarkeun kondisi ceu mamah beuki parah, dibawa ka rumah sakit tapi balik deui ka pusksmas da pinuh di rumah sakitna.
Poe salasa kuring jeung pamajikan ka Jagara pasosore, datangteh magrib terus bae ka pusksmas darma. Asa tenang ari aya di Puskesmah, sugan rada seger. Datang ka Puskes Ceu Mamah gundam bae, menta emuh K Link.tapi disidik-sidik biwirteh asa gerak sorangan siga anu garing. awakna dirampateh ngajerit, nyeri ceunah.
Petugas puskes geus teu sanggupeun, akhirnamah sanggeus asak badami Ceu Mamah dibawa ka RS Juanda. Dipindahkeun tina ambulan ka ranjang rumah sakit teh ngagoak, nyeri ceunah, bari nyarita awas siah maman ku aing di kacit....kuring teu sadar ngan bisa seuri maur bae, gede hate ceu mamah bisa sehat deui, laksana bisa dirawat di rumah sakit, kahayangmah tibaheula mawa ceu mamah ka rumah sakit teh.
sanggeus masuk kamar Kemuning III kelas 3 kuring nungguan sakeudeung terus bae amitan balik ka sampora, masalahna isukan rek gajihan jeung aya jadwal ngajar. Nu tunggu haritateh A Ihsan, Hamam, jeung Emih. Sugan waras deui ari di RS mah.
Isukna kuring ka sakola, ngajar sampe siang, gajihan terus jam 12 balik ka imah, rek ka rumah sakit teh bet asa hoream. Si Arik mementa dipangmeulikan sapatu anyar ongkoh.
keur marales, laleuleus emih ngebel, ceunah Ceu mamah kudu ka ICU. kuring pusing jang mayarannana, sanggeus badami bari pusing daripada asup ka ICU mah mending dibawa balik bae, teu teganamah teu tega, hayang ngajurungkeun Ceu Mamah nepi ka sehatna, kahayangmah beban teh ulah ditanggung sorangan, A ihsanna kudu nu nyanggupan ka ICU tangtuna jeung biayana oge. tapi meureun A Ihsan ge duit timana, sagalana geus nyerahkeun ka Emih jeung ka kuring.
Males-males ge kuring, pamajikan, si Ariq jeung Si Royyan mangkat ka Kuningan, ari niatnamah rek meuli sapatu jang si Ariq sakalian ngilikan wa Mamah.
Ari barang datang ka RS geuning asa beda, asup ka ruangan ceu Mamah tinggal renghap ranjugna anu terus dibimbing ku si Hamam. saeutik-saeutik napas teh leungit renghapna. Inalilahi wa ina ilaihi rojiun. Ceu Mamah maot tos dipundut kunu Kagungan. Pileuleuyan Ceu! Saur Emih Ceu Mamahmah ngaos bae bade maotteh meuni tarik, naroskeun bae tos solat ta encan.
Disangka rek manjang geuning ngan nepi ka dieu, tapi titis tulisna tos ditangtoskeun ku Alloh, ngan hapunteun teu tiasa maksimal ngabantu Ceuceu dina ngalawan panyakitna.
Umur Ceuceu 42 tahun leuwih sabulan duka kuring, mung kahoyongmah bisa ngurus jeung ngabagjakeun kolot heula boh Emih boh Bapa. Hayang mangkatkeun ka hajina, hayang mang ngaropeakeun Bumina anu waktuna geus kudu diropea.
Alloh, hapunten abdi.

In Memoriam Ceu Mamah

Kemis tanggal 19 Juli 2012 kuring jeung barudak, Ariq jeung Royyan nginep di Jagara
haritateh libur awal Ramadhon.
Kondisi Ceu Mamah beuki dieu teh asa beuki lemah, awak kari kulit jeung tulang.
Geringna Ceu Mamah teh meuni asa manjang pisan, timimiti mata beuki teu awas sampe teu ningalina, diantarana sagala kanyeri karasa, nyeri cangkeng anu kacida nyerina, nyeri beuteung anu sarua kacida nyerina, ari keur kadatangan teh sampe ampun-ampunan.
Matak ngenes ngan teu bisa total nulungan Ceu Mamah. paling paling mere duit keur berobat, eta oge henteu mayeng.
Mun ngobrol teh Ceu Mamahmah pinuh ku semangat jeung matak reugreug. Ngan basa harita nginepmah ngobrolkeun ceunah Ka Iksan meunang kamusibahan teu bisa mangkat ka Malaysia milu gawe jeung dulur-dulurna kusabab paru-paruna teu sehat. Uingmah da butuh salaki mangkat ka Malaysia teh, ceunah.
Nya ku kuring dipairan caritana, sing sabar jeung sajabana.
Peutingna Ceu Mamah tas ti cai, sigana teu kuateun ku tiris da leumpangge akhirna dipapah ku kuring, Murni jeung Emih. Tiris pisan ceunah, da memang awakna tiis pisan. Hing Ceu Mamah ceurik menta dihampura kasakabehna, behna Ceu Mamahmah sok cirigih, titip barudak ongkoh sing maot. Ku kuring Murni jeung Emih Ceu Mamah disarimbutan, dikayuputihan, kondisina alon-alon rerep terus bisa sare.
Isuk-isukna Ceu Mamah tindak nginjeum duit 20 rebu hayang pais lauk ceunah. Ku Emih dipangmeserkeun, tapi bari diemaman teh nawaran terus kanu aya, ka bapa nu teu aya oge nawaran terus. Jumaahna isuk-isuk nalika kuring keur ngagoreng sangu jang Si Royyan, Si Najma nyarita yen Ceu Mamah manggil kuring, kuring nyangka Ceu Mamah hayang sangu goreng, nya ka si Najma teh sok bae mun hoyongmah sakalian, tapi lain hayang sangu goreng tapi hayang baso ceunah.
Ku kuring dipangmeulikeun baso ka Darma, di daharnamah ku duaan jeung si Najma, ku kuring ditingaliteh Ceu Mamahna langsung ngagoler deui. Kuring teu sadar haritateh saat-saat terakhir bisa ngobrol jeung ceu Mamah.

Sing Enggal damang

Ceu!
sing enggal damang
sapertos baheula deui
ngobrol ngaler ngidul

Ceu
sing enggal damang
dosa-dosa ceuceu nu kalangkung
ku abdi tos dihapunten

Ceu
sing enggal damang
anak-anak ceuceu
masih ngabutuhkeun kanyaah ceuceu

Ceu
sing enggal damang
kan ceuceu anu osok gurah-geureuh
upama kuring can sholat

Ceu
sing enggal damang
apanan ngan Ceuceu sorangan anu wanian

Ceu
sing enggal damang
sing enggal sehat deui

Ceu
kuring  salaku adi teu bia kukumaha
teu bisa mantuan ceuceu

Ceu
geuningan beurat pisan kahirupan ceuceu teh
kadang-kadang kuring kakara sadar
mun ceuceu geus brek udur
sagala karasa

Ceu
anjeunnamah ayeunateh keur nabung surga
kuringmah can tangtu

Ceu
hapunten kuring

...............................

..................

Ya Alloh

Ya Alloh yang Maha Pengasih dan Maha Penyayang
Kasihi dan Sayangi hamba Mu yang sedang terbaring sakit
sakit yang sudah lama diderita
sebagai hamba, hamba hanya bisa bersedih
tak bisa melakukan apa-apa
Ya Alloh, tubuhnya pucat tinggal kulit dan tulang
sembuhkan dia ya Alloh
seandainya dia berbuat dosa, ampunilah dosa-dosanya
kami sudah memaafkannya kalau dia pernah menyakiti hati kami
Ya Alloh ringankan tangan ini untuk menolongnya
jangan biarkan ia terbaring tergolek tak berdaya
Ya Alloh, ampuni dosa-dosa kami
yang seolah-olah tak berusaha untuk membantu penyembuhannya
kami papa ya Alloh
kami miskin ya Alloh
berikanlah kekuatan kepada kami
untuk bangkit
menyongsong anugrah Mu
ampuni kami ya alloh
ampuni kami ya Alloh
sembuhkan dia dan berikan senyuman serta kebahagiaan
serasa terlalu lama penderitaan setia dengan dirinya
Ya Alloh tubuhnya begitu lemah dan begitu sakit
Engkau Maha Tahu
dan hamba percaya Engkau memberi cobaan sesuai dengan tingkat kekuatan orang yang Engkau coba
kuatkan dia Ya Alloh
biarkan hari-harinya dipenuhi senyum ceria kebahagian

can boga keneh bae

rumah tanggana geus aya kana dalapan taunmah.
manehna geus boga dua anak lalaki kabeh, kahayangnamah boga anak teh rada loba, tapi kusabab ngabandungan pamajikanna ripuheun pisan ngurus indung bapana, ngurus adina, ngurus anak-anakanana jeung ngurus sagalana, manehna rada mikir, sugan engke mun geus boga imah sorangan nambahan budakteh.
nilik kana manajemen keuanganna memang goreng pisan, manehnamah teu bisa simpan simpen siga batur anu jleg dijaradikeun imah jeung kandaraan.
sabenernamah manehnage lain teu bisa-bisa teuing ngamenej keuangan rumah tangga. nu jelasmah pangabutuh kulawarganateh aya bae.
nginjeum ka bankmah geus sababaraha kali, anu kahiji rencanana jang kawin, kusabab kawina gagal duitna kumanehna dibeulikeun kana motor, anu kadua nginjeum sarua dipake meuli motor, kusabab motor anu kahijina aya nu maling.
injeuman ka tilu dipake biaya kawin, alhamdulillah bisakawin bari jeung teu nyusahkeun kolot rarasaanmah. injeuman ka opat dipake biaya operasi bapana.
pangala pamajikanana oge sarua, gajihna digadekeun ka bank, injeuman kahijimah jang ngarenovasi imah kolotna jeung biaya operasi berobat indung bapana, injeuman kadua dipake ngawinkeun adina.
ningali baturmah nu geus boga imah jeung kendaraan aralus hiji dua tilu, ari manehnamah nepi ka ayeuna can boga keneh imah.
sing sabar bae nya, rizkimah geus aya nu ngaturna.

deudeuh matak karunya

manehnateh urang kampung bau lisung jauh ka bedug dusun kabina bina
padahalmah manehnateh geus boga gajih sorangan anu ukuran kampungmah cukup
tibaheula manehna hayang dankin donat, hayang kfc, hayang pisahat
keur manehna can boga pangalamah, manehna sok mindeng bulak-balik nengeng ka jero toko dankin
geus buleud niat rek asup tapi rumegog deui dusunna kaluar
akhirnamah manehna sok ngasaukur ngambeuan melenghirna dankin anu seungit susu.
tapi ayeunamah manehna geus wani asup jeung meuli saprak diajak ku babaturanna ngawedang di dankin
kfc oge ayeunamah manehna geus wanieun meuli saprak anakna keukeuh menta dipangmeulikeun
mimitinamah manehna asup ka tokoteh rada ngadegdeg, maklum urang kampung
ari geus biasamah manehna teu pati dusun teuing
ngan ayeunamah manehna sok rada mikir mun asup kadinyateh kudu boga duit rada loba.
tinggal ka pisahat anu can kalaksanakeunmah, era ceunah basanateh
ari ngasaanmah enggeus basa aya nu mere, teu enak-enak teuing sih, biasa bae.
ngan ayena manehna hayang ngasaan meuli sorangan, ngan can laksana bae. era basanateh.

Sidang DPR

Sidang DPR
loba omong
kabeh hayang ngomong
memang kudu kitu
lamun kahayang can kacumponan

ulah cicingin
mun cicingeun kahayang moal kalaksanakeun

DPR teh Dewan Perwakilan Rakyat
memang bener nu dariuk di Dewan
geus ngawakilan rakyat boga mobil alus
imah alus
gaji alus
anak-anak nu aralus
rubiah nu aralus
pakaian
perhiasan
kabeh nu aralus

nu butut?
no way!

Pait peuheurna kahirupanmah
mangga bae kanggo rahayat
nu diwakilkeunmah wios anu arenakna bae!

nu pinter teu bisa sakola kusabab teu boga duit
kajeun teuing
nu penting anak-anak dewan bisa sakola di sakola Standar Internasional
anu mahal SPP na.

rahayatmah balanja di pasar nu bau heurin jeung becek
kajeun teuing
nu penting anggota dewan mah balanjana di mall jeung hipermarket
anu jalma miskinmah moal ngimpi-ngimpi acan asupna oge

Kehidupan

Ketika kita kecil sepertinya dunia kita dipenuhi dengan optimesme dan keceriaan, dunia anak-anak adalah dunia ego yang semuanya adalah aku. Tetapi kadang-kadang orang tua kita memagari kreatifitas dan keceriaan dunia anak-anak, dengan larangan tanpa penjelasan. Padahal yang kita inginkan sebagai anak anak adalah penjelasan orang tua dan pengertian mereka terhadap kita,

 ketika kita dewasa sedikit demi sedikit kita mengalami masalah yang harus diselesaikan satu persatu.

BBM naek deui

BBM duh BBM
panguasa hayang naekkeun harga BBM
rakyatmah geus miris ngadenge BBM rek naek teh
masalahna lamun BBM naek lain BBM wungkul nu naek
tapi hahargaanmah nu sejen oge milu nerekel naek
jeung naekna tara saeutik-saeutik

harga cabe beureum
tarasi
beas
lauk asin
naraek
da ongkos mobil oge naraek
naon atuh nu turun?

baruk ari nagara urang teh nagara beunghar
beunghar ku pakaya
beunghar ku kakayaan alam
nu di jero taneuhna kayaning rupa-rupa barang tambang
nu diluhur lahahanna kayaning pepelakanna jeung sasatoanna

indonesia teh lubak-libuk loba harta
bru di juru bro di panto ngalayah di tengah imah
tapi rakyatna loba keneh nu miskin
anu hirupna peurih sangsara
nyatu isuk henteu sore
loba rahayatna nu teu sarakola
lain pedah bodo jeung teu hayang sakola
tapi pedah teu boga duit

di dieu di indonesia euweuh nu gratis
kabeh kudu dibeuli
mun bisamah sigana hawa udara jang napas oge rek dibungkusan
terus dijualan ka rahayatna.
tinggali di lembur
tingali di kota
henteu sakabehna beunghar jeung mampu

loba keneh anu hayang duit sarebu oge meuni hese beleke